Бүгін: 13.12.2017
Дені сау ұлт бәсекеге қабілетті деп атауға болады. Сондықтан, біздің мемлекеттік саясаттың стратегиялық бағыттарының бірі бұқаралық спорт қозғалысын кеңейту болып табылады.Н.Ә. Назарбаев

2017 жылдың  2 - 7 желтоқсан аралығында Мехико (Мексика) қаласында  «Aquaticsvenueatthe MEXIСOCITI 1968 OLYMPIC GAMES» стадионында паралимпиадалық спортшылар арасында жүзуден және пауэрлифтинг спорт түрлерінен Әлем чемпионаты өтті.

Жарысқа бүкіл әлемнің 126 елінен 900 мықты спортшылар қатысты. Соның ішінде, жүзуден 55 елден 300-ден астам спортшы қатысты.

Қазақстан Республикасының намысын паралимпиалық ұлттық құрама команда сапындағы 8 жетекші спортшылар қорғады. Олар: Зүлфия Габидуллина (Жамбыл облысы), Наталья Звягинцева (Қарағанды облысы), Андрей Афанасьев (Қарағанды облысы),  Сәлімгереев Ержан (Атырау облысы), Әнуар Ахметов (Астана), Кирилл Ильюкевич (Алматы қ.), Роман Агалаков мен Мансурбек Ибрашев (Оңтүстік Қазақстан облысы).

2017 жылдың 30 қараша – 01 желтоқсан аралығында Меркі ауданы, Тәтті ауылында Қазақстан Республикасының Тұңғыш Президенті күніне арналған көкпардан облыстық ашық турнирі өтті. Аталған турнирге облыстын 18 командасынан, 216 спортшы қатысты.

2017 жылдың  30 қараша күні Тараз қаласы «Тараз-Арена» спорт сарайында Қазақстан Республикасының Тұңғыш Президенті күніне орай мемлекеттік қызметшілер арасында кіші футболдан  облыстық турнир өтті.

Аталған  турнирге облыстық әкімі аппаратының, Тараз қаласы мен аудандар әкімдігінің, сонымен қатар облыстық комитеттер, департаментер мен басқармалардың мемлекеттік қызметшілерінен жасақталған  24 командадан 216 спортшы  қатысты.

Облыстық турнирді өткізудің жалпы үйлестіруін ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Жамбыл облысы бойынша Департаменті мен Жамбыл облысы әкімдігінің дене шынықтыру және спорт басқармасы жүзеге асырды.

2017 жылдың 1 желтоқсан күні «Қазақстан Республикасы Тұңғыш Президенті күніне» арналған жеңіл атлетикалық жүгіріс өтті.

Жүгіріске облыс әкімінің аппараты, облыс әкімдігінің басқармалары,  құқық қорғау және сот органдары, аумақтық басқармалар мен мекемелер,  акционерлік қоғамдар, Тараз қаласында орналасқан кәсіпорындар мен мекемелер мен облыс тұрғындарынан барлығы 900-ге жуық адам қатысты.

Жүгіріс бағыты: Орталық «Достық» алаңынан – ҚР Тұңғыш Президенті саябағына дейін. Жүгірістің жалпы қашықтығы 2,4 шақырым.

Жарысты ұйымдастырып өткізуге басшылықты Жамбыл облысы әкімдігінің дене шынықтыру және спорт басқармасы, Жамбыл облысының  женіл атлетика федерациясы және Тараз қаласы әкімдігі  жүзеге асырды.

2017 жылдың 25-26 қараша күндері «Тараз-Арена» спорт сарайында Еркін күрестен Мемлекет және қоғам қайраткері Д.А.Қонаевты еске алуға  арналған ересектер арасындағы халықаралық турнирі өтті.

Жарысқа Қазақстан Республикасының және алыс-жақын шет мемлекеттердің құрама командаларынан 168 спортшы қатысты (Жапония, Польша, Украина, Ресей Федерациясы, Бразилия, Моңғолия, Грузия, Беларусь, Әзербайжан, Тәжікстан, Қырғызстан, Өзбекстан).  Қатысушылар: 57 кг, 61 кг, 65 кг, 70, 74 кг, 86 кг, 97 кг, 125 кг салмақ дәрежелерінде сынға түсті.

2017 жылдың 24-26 қараша аралығында Тараз қаласы, Қ.Тұрысов көшесі 3Е №4 облыстық мамандырылған балалар-жасөспірімдер спорт мектебінің үлкен теннис кортында асық атудан 2004-2006 ж.т.  жасөспірімдер арасындағы Қазақстан Республикасының чемпионаты өтті. Аталған чемпионатқа Алматы, Астана, Тараз қалаларынан және Қызыорда, Қостанай, Оңтүстік Қазақстан, Жамбыл облыстарынан 42 спортшы қатысты.

2017 жылдың 21-24 қараша аралығында Астана қаласында таеквондодан (WT) ересектер арасында Қазақстан Республикасының чемпионаты өтті.

2017 жылдың 18 қараша күні Тараз қаласы, «Тараз-Арена» спорт сарайында Қазақ күресінен Социалистік Еңбек Ері Байгелді Кейкиевтің жүлдесі үшін 1998-1999 ж.т. жастар  арасындағы  республикалық ашық турнирі өтті.

Аталған турнирге 7 облыстан және Қырғызстан Республикасынан  барлығы 85 спортшы қатысты.

Жарыс қорытындысы бойынша төмендегі салмақтар бойынша жеңімпаз бен жүлдегерлер анықталды.

2017 жылдың 9-13 қараша аралығында Ақтөбе қаласында дзюдодан ересектер арасында Қазақстан Республикасының чемпионаты өтті.

Чемпионатқа Жамбыл облысынан 19 спортшы қатысып 90 кг салмақ дәрежесінде Дәулетхан Жақыпов І-орын (жаттықтырушысы-Пархат Қылышбаев),

90 кг салмақ дәрежесінде Айтбек Айбол ІІ-орын (жаттықтырушысы- Мұрат Ашимов),

81 кг салмақ дәредесінде Азиз Қалқаманұлы ІІІ-орын (жаттықтырушысы-Рахымжан Қожатаев) иеленді.

Әйелдер арасында 52кг салмақ дәрежесінде Жадыра Әміртаева ІІ-орын (жаттықтырушысы-Абылай Бошқай) және 57кг салмақ дәрежесінде Гаухар Дүкенбай ІІІ-орын иеленіп Қазақстан Ұлттық құрама командасы сапына енді.

2017 жылдың 4-12 қараша аралығында Шымкент қаласында бокстан ерлер арасында Қазақстан Республикасының чемпионаты өтті.

Чемпионатқа Жамбыл облысынан 15 спортшы қатысып 69 кг салмақ дәрежесінде Асланбек Шымбергенов І-орын (жаттықтырушысы-Ермек Ертаев),

+91 салмақ дәрежесінде Нұрсұлтан Аманжолов І-орын (жаттықтырушысы- Нұрлан Ақүрпеков),

56 кг салмақ дәредесінде Жанболат Қыдырбаев ІІ-орын (жаттықтырушысы-Көпболсын Сыдығалиев) иеленіп Қазақстан Ұлттық құрама командасы сапына енді.

Сонымен қатар, Асланбек Шымбергенов чемпионаттың «Ең үздік боксшысы» атанды.

Жалпы командалық есепте: І-орын – ОҚО, ІІ-орын – Маңғыстау облысы, ІІІ-орын – Жамбыл облысы.

Облыстың аға жаттықтырушысы – Бекзат Спабеков.