Бүгін: 07.06.2020
Дені сау ұлт бәсекеге қабілетті деп атауға болады. Сондықтан, біздің мемлекеттік саясаттың стратегиялық бағыттарының бірі бұқаралық спорт қозғалысын кеңейту болып табылады.Н.Ә. Назарбаев

Индорхоккейден Жамбыл облысы құрама командасы Қазақстан Республикасының чемпионы атанды. Айта кетейік, жастар арасындағы біріншілік 2020 жылдың 20-26 ақпан күндері Талдықорған қаласында өткен болатын. Чемпиондық атақты 9 команда сарапқа салды.

2020 жылдың 18-20 ақпан аралығында Қызылорда қаласында Қазақ күресінен 2000-2002 жылы туған жастар арасында Қажымұқан Мұңайтпасовты еске алуға арналған Республикалық турнир өтті. Аталған жарысқа барлық облыстан және Алматы, Шымкент қалаларынан және көршілес Өзбекстан, Қырғызстан мемлекеттерінен келген 256 спортшы өзара кім мықтыны анықтады.

2020 жылдың 18-23  ақпан күндері Манчестер (Ұлыбритания) қаласында мүмкіндігі шектеулі спортшылар арасында пара пауэрлифтингтен Әлем кубогы өтті. Аталған байрақты бәсекеге әлемнің 25 мемлекетінен 137 спортшы қатысты.  Қазақстан Республикасының  Паралимпиадалық ұлттық құрама командасының сапында өнер көрсеткен Карибай Ерболат (49 кг)  Әлем кубогының күміс жүлдегері атанды.

Ақпан айының 21-і мен 23-і  аралығында Шымкент қаласында 3х3 баскетболдан 18 жасқа дейінгі жасөспірімдер арасында Қазақстан Республикасының Чемпионаты өтті. Жеңімпаздық атақ үшін 14 команда күш сынасты.

Үндістан астанасы Нью-Делиде 18-23 ақпан аралығында күрес түрлерінен (грек-рим, еркін және әйелдер күресі) Азия чемпионаты өтті. Жамбыл облысынан Қазақстан Республикасының  құрама командасының сапында өнер көрсеткен Мейіржан Аширов (70 кг) құрлықтық жарыстың қола жүлдегері атанды. 

Айта кетейік, боз кілем шеберінің Азия чемпионатындағы екінші жүлдесі, бұған дейін ол 2018 жылы Бішкек (Қырғыз Республикасы) қаласында өткен құрлықтық додада қола жүлде еншілеген болатын.

2020 жылдың 16-22 ақпан күндері Тараз қаласында тоғызқұмалақтан  әйелдер арасындағы командалық Қазақстан Республикасының чемпионаты өтті. Аталған дүбірлі додаға жалпы саны 72 спортшы қатысқан болатын.

Болашаққа бағдар: «Рухани жаңғыру» бағдарламасы аясындағы «Ұлттық бірегейлікті сақтау» бағытын ілгерілету мақсатында «Алаңдағы тоғызқұмалақ» бұқаралық командалық ұлттық ойынын насихаттау бойынша кезекті шеберлік сағаты Тараз қаласындағы №19 мектепте өтті.

Айта кетейік, инновациялық ойын түрін насихаттау бағытындағы шеберлік сағаты жыл соңына дейін жалғасатын болады.

 Бүгін Таразда ересектер, жастар және жасөспірімдер арасында еркін және грек-рим күресінен есту қабілеті төмен спортшылар арасында өткен Қазақстан Республикасының чемпионаты аяқталды. 18 ақпан басталған жарысқа еліміздің өңірлерінен іріктелген 105 спортшы қатысты. Айта кетейік, күрес түрлерінен өткен біріншілікте Жамбыл облысы командалық есепте топ жарды.

«Тараз-Арена» спорт сарайында «Рухани жаңғыру» бағдарламасы аясындағы  «100 жаңа есімі» жобасының  жеңімпазы, жүзуден Қазақстан Республикасының еңбек сіңірген спорт шебері, ел тарихындағы тұңғыш Паралимпиада ойындарының жеңімпазы Зульфия Габидуллина мектеп оқушыларымен кездесу өткізді.

  

 

 
 
 
 

Басшы блогы

Жүнісбеков Нұрбол Әбдімажитұлы

Байланысу

Басқарма басшысының орынбасары – Мұқанов Бекболат Қабылханұлы

45-86-18

Басқарма басшысының орынбасары –

Жолдасбеков Нұржан Қырықбайұлы

43-00-69

Азаматтарды қабылдау Салықбаева Қарлығаш Әшірбайқызы

45-31-69

Сенім телефоны

9.00-19.00 дейін, 51-71-95

Адрес:Тараз қаласы, Желтоқсан көшесі 72

Индекс 080000

Сенім телефондары