Жамбыл облыс әкімдігінің дене шынықтыру және спорт басқармасы мен Жамбыл облысы әкімдігінің ішкі саясат басқармасының «Өңірлік коммуникациялар қызметінің» бірлесіп ұйымдастыруымен «Ашық есік» күні өтті.
Іс-шара «ТАРАЗ-АРЕНА» спорт сарайының брифинг залында басталды. Жамбыл облысы әкімдігінің дене шынықтыру және спорт басқармасының спорт түрлерін дамыту бөлімінің бас маманы Гүлназ Дүйсенбекқызы басқармада көрсетілетін мемлекеттік қызметтермен таныстырып өтті. БАҚ өкілдері және әлеуметтік желі белсенділері қатысқан шараның басты мақсаты – басқарманың жұмысын көрсетіп, Жамбыл облысы спортшыларының жетістіктерімен таныстыру.
Спорт сарайының директоры Саурыков Нұрлан Байұзақұлы келген қонақтарға ғимараттың ішін аралап, барлық спорт секцияларымен таныстырды.
Көп балалы ата-аналар назарына бүлдіршіндерін ақысыз түрде кез келген секцияға қатыстыруға болатынын айтып өтті.
