«Сыбайлас жемқорлыққа қарсы күрес туралы» Қазақстан Республикасының 1998 жылғы 2 шiлдедегі Заңын, «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңын және «Қазақстан Республикасы мемлекеттік қызметшiлерiнiң ар-намыс кодексі туралы» Қазақстан Республикасы Президентінің 2005 жылғы 3 мамырдағы №1567 Жарлығын жүзеге асыру мақсатында БҰЙЫРАМЫН:

1. Қоса беріліп отырған Жамбыл облысы әкімдігінің дене шынықтыру және спорт басқармасының (бұдан әрі - басқарма) сыбайлас жемқорлықпен қарсы күрес және Ар-намыс кодексі талаптарын орындау жөніндегі 2015 жылға арналған іс-шаралар жоспары бекітілсін.

2. Басқарманың сыбайлас жемқорлыққа қарсы күрес және мемлекеттік қызметшілердің Ар-намыс кодексінің талаптарының сақталуын қадағалайтын комиссия (бұдан әрі - комиссия) менің төрағалығыммен төмендегі құрамда құрылсын:

комиссия төрағасы:

Қайнарбеков Гамлет Төреханұлы – басқарма басшысы, комиссия төрағасы;

комиссия мүшелері:

Мұқанов Бекболат Қабылқанұлы – басқарма басшысының орынбасары;

Ізімбетов Назарбек Әжібекұлы – бұқаралық және ұлттық спорт түрлері бөлімінің басшысы;

Шопанов Керімбек Талмаханбетұлы - жоғарғы спорт жетістігі бөлімінің басшысы;

Жүнісова Әсемгүл Серікқанқызы – персоналды басқару қызметінің бас маманы;

Салықбаева Қарлығаш Әшірбайқызы – ұйымдастыру және құжаттама бөлімінің бас маманы, комиссия хатшысы.

3. Басқарма ғимаратының баршаға көрінетіндей жерінде жеке және заңды тұлғалардың өтініштеріне арналған жәшік орналастырылсын.

Басқарманың сенім телефоны болып 51-71-95, факс номері болып 45-05-14 белгіленсін.

Қазақстан Республикасы мемлекеттiк қызметшiлерiнiң ар-намыс кодексін (Мемлекеттiк қызметшiлердiң қызмет этикасы ережелерi) талаптарын бақылау кітабы басқарма орналасқан ғимараттың 8 қабаттағы 807 бөлмесіне қойылсын.

4. «Сыбайлас жемқорлыққа қарсы күресті күшейту және комиссия құру туралы» басқарма басшысының 2014 жылғы 12 ақпандағы №01-29 бұйрығының күші жойылсын.

5. Осы бұйрықтың орындалуын бақылау басқарма басшысының орынбасары Бекболат Қабылқанұлы Мұқановқа жүктелсін.

Басқарма басшысы Г. Қайнарбеков