«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына сәйкес Жамбыл облысының әкімдігі ҚАУЛЫ ЕТЕДІ:

1. «Мемлекеттік көрсетілетін қызмет регламенттерін бекіту туралы» Жамбыл облысы әкімдігінің 2015 жылғы 102 мамырдағы № 102 қаулыға (Нормативтік құқықтық актілердің мемлекеттік тіркеу тізілімінде №2685 болып тіркелген, 2015 жылдың 25 маусымында № 77 (18111) «Ақ жол» газетінде жарияланған) мынадай өзгерістер енгізілсін:

1-тармағының 1) тармақшасы жаңа редакцияда жазылсын:

«1) осы қаулыға 1-қосымшаға сәйкес «Жергілікті спорт федерацияларын аккредиттеу» мемлекеттік көрсетілетін қызмет регламенті;»;

көрсетілген қаулыдағы 1-қосымшада:

тақырып жаңа редакцияда жазылсын:

«Жергілікті спорт федерацияларын аккредиттеу» мемлекеттік көрсетілетін қызмет регламенті»;

1, 2-тармақ жаңа редакцияда жазылсын:

«1. Осы «Жергілікті спорт федерацияларын аккредиттеу» мемлекеттік көрсетілетін қызмет регламенті (бұдан әрі – регламент) «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына, Қазақстан Республикасы Мәдениет және спорт министрінің 2015 жылғы 17 сәуірдегі №139 «Дене шынықтыру және спорт саласында мемлекеттік көрсетілетін қызметтер стандарттарын бекіту туралы» бұйрығымен бекітілген «Жергілікті спорт федерацияларын аккредиттеу» мемлекеттік көрсетілетін қызмет стандартына (бұдан әрі - стандарт) сәйкес әзірленген.»;

«2. «Жергілікті спорт федерацияларын аккредиттеу» мемлекеттік көрсетілетін қызмет (бұдан әрі - мемлекеттік көрсетілетін қызмет) Жамбыл облысы әкімдігінің дене шынықтыру және спорт басқармасымен (бұдан әрі –көрсетілетін қызметті беруші) көрсетіледі.»;

«Жергілікті спорт федерацияларына аккредиттеу туралы куәлік беру» мемлекеттік көрсетілетін қызмет регламентіне 1-қосымшаның атауы жаңа редакцияда жазылсын:

«Жергілікті спорт федерацияларын аккредиттеу» мемлекеттік көрсетілетін қызмет регламентіне 1-қосымша»;

«Жергілікті спорт федерацияларына аккредиттеу туралы куәлік беру» мемлекеттік көрсетілетін қызмет регламентіне 2-қосымшаның атауы жаңа редакцияда жазылсын:

«Жергілікті спорт федерацияларын аккредиттеу» мемлекеттік көрсетілетін қызмет регламентіне 2-қосымша»;

«Жергілікті спорт федерацияларына аккредиттеу туралы куәлік беру» мемлекеттік көрсетілетін қызмет регламентіне 3-қосымшаның атауы жаңа редакцияда жазылсын:

«Жергілікті спорт федерацияларын аккредиттеу» мемлекеттік көрсетілетін қызмет регламентіне 3-қосымша».

2. «Жамбыл облысы әкімдігінің дене шынықтыру және спорт басқармасы» коммуналдық мемлекеттік мекемесі заңнамада белгіленген тәртіппен:

1) осы қаулының әділет органдарында мемлекеттік тіркелуін;

2) осы қаулының мемлекеттік тіркеуден өткеннен кейін он күнтізбелік күн ішінде оны ресми жариялауға мерзімді баспа басылымдарына және «Әділет» ақпараттық-құқықтық жүйесіне жіберуді;

3) осы қаулының Жамбыл облысы әкімдігінің интернет-ресурсында орналастырылуын қамтамасыз етсін.

3. Осы қаулының орындалуын бақылау облыс әкімінің орынбасары Е.Манжуовқа жүктелсін.

4. Осы қаулы әділет органдарында мемлекеттiк тiркелген күннен бастап күшiне енедi және алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі К.Көкрекбаев