Жамбыл облысы бойынша сыбайлас жемқорлыққа қарсы мәдениетті қалыптастыруға бағытталған 2015 жылға арналған кешенді әлеуметтік-мәдени іс-шаралар жоспарының 4, 20-тармақтарын орындау мақсатында 2015 жылдың 27 қарашасында Сыбайлас жемқорлыққа қарсы заңнамаларды түсіндіру бойынша облыс әкімдігінің дене шынықтыру және спорт басқармасының қызметкерлері және басқармаға қарасты спорт мекемелері мен кәсіпорындарының бірінші басшылары және бас есепшілері арасында семинар-кеңес өткізілді.

Семинар-кеңеске Жамбыл облысы прокурорының аға көмекшісі Абдрахманов Ғани Керімтайұлы, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің сыбайлас жемқорлыққа қарсы сауаттандыру және жұртшылықпен өзара іс-қимыл жасау бөлімінің консультанты - Елеусінов Бахытбек Ыбырайұлы, «Нұр Отан» партиясы Жамбыл облыстық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің жауапты хатшысы Кенжебаев Шора Шұғайұлы шақыртылды.