2019 жылдың 7  наурыз күні Тараз қаласы «Тараз-Арена» спорт сарайында 8 – наурыз Халықаралық әйелдер күніне арналған мемлекеттік қызметші әйелдер арасындағы волейболдан облыстық турнир өтті.

Жарысқа облыстық әкімі аппаратының, Тараз қаласы мен аудандар әкімдігінің, сонымен қатар облыстық басқармалар мен департаментердің 16 құрама командасынан  160 мемлекеттік қызметші-арулар қатысты. Аталған жарысты ұйымдастырып өткізуге басшылықты Жамбыл облысы әкімдігінің дене шынықтыру және спорт басқармасы, ҚР Мемлекеттік қызмет істері және сыбайлас жемқорлыққа қарсы  іс-қимыл агенттігінің Жамбыл облысы бойынша департаменті бірлесе жүзеге асырды.

Жарыс қорытындысы:

І орын - Жамбыл облысы бойынша қазынашылық департаментінің құрама командасы;

ІІ  орын - Талас ауданы әкімдігінің құрама командасы;

ІІІ орын  - Қоғамдық денсаулық сақтау комитетінің Жамбыл облысы қоғамдық денсаулық сақтау департаментінің құрама командасы.