Жамбыл облысы әкімдігінің 2011 жылғы 29 маусымдағы №215 қаулысымен қабылданған Жамбыл облысындағы сыбайлас жемқорлыққа қарсы күрестің 2011-2015 жылдарға арналған іс-шаралар жоспарын орындау мақсатында басқарма бағынысындағы спорт мекемелері мен кәсіпорындар басшыларының, есепшілер мен заңгерлердің қатысуымен «Сұрақ-жауап» форматындағы семинар-кеңес өткізілді (барлығы 60 адам қатысты).

Семинар-кеңеске сыбайлас жемқорлыққа қарсы күрес заңнамасына түсінік беру үшін Жамбыл облысы прокурорының аға көмекшісіАбдрахмановҒани Керімтайұлы, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жамбыл облысы бойынша департаментінің тәртіптік-әкімшілік тәжірибе және мемлекеттік көрсетілетін қызметтер бөлімінің консультанты - Жексенбаев Сенімхан Жұманұлы, «Нұр Отан» партиясы Жамбыл облыстық филиалы жанындағы жемқорлыққа қарсы әрекет жөніндегі кеңестің жауапты хатшысы КенжебаевШора Шұғайұлышақырылды.

Шара барысында сыбайлас жемқорлық құқықбұзушылықтар жасаған үшін тәртіптік және қылмыстық жауакершілікке тартудың өзекті мәселелері талқыланып, тиісті заң нормаларына түсіндірмелер берілді.

Семинар-кеңес қорытындысы бойынша басқарманың жауапты қызметшілері мен басқармаға қарасты мекемелер (кәсіпорындар) басшыларына Жамбыл облысындағы сыбайлас жемқорлыққа қарсы күрестің 2011-2015 жылдарға арналған іс-шаралар жоспарының орындау бойынша жұмыстарды жалғастыруды, сондай-ақ қолданыстағы заң нормаларының, әсіресе «Мемлекеттік сатып алу туралы» ҚР Заңы талаптарының мүлтіксіз орындалуын қатаң бақылауға алуды және мекемедегі (кәсіпорындағы) мемлекеттік сатып алуға жауапты қызметкерлердің осы салада біліктілігін көтеруді ұйымдастыру бойынша тапсырмалар берілді.