2020 жылдың 2-5 наурыз күндері Қостанай қаласында кикбоксингтен ересектер арасында «Ең мықтылар» турнирі өтті. Аталған турнирде өңір спортшылары 6 алтын, 4 күміс, 3 қола жүлде еншілеп жалпы командалық есепте 2-ші тұғырдан көрінді.

Болашаққа бағдар: "Рухани жаңғыру" бағдарламасы аясындағы "Ұлттық бірегейлікті сақтау" бағытын ілгерілету мақсатында "Алаңдағы тоғызқұмалақ" бұқаралық командалық ұлттық ойынын жастарға кеңінен насихаттау бойынша кезекті шеберлік сағаты Тараз қаласындағы №55 және №59 мектепте өз жалғасын тапты.

Бокстан Амманда (Иордания) өтіп жатқан Азия/Океания аймағындағы Олимпиадаға іріктеу турнирінде Жамбылдық боксшы Әбілхан Аманқұл (75 кг) Олимпиада ойындарының жолдамасына (лицензия) ие болды.

Таразда дзюдодан 2000-2002 жылдары туған жастар (ұлдар мен қыздар) арасындағы  Қазақстан Республикасы чемпионаты аяқталды.  «Тараз-Арена» спорт сарайында өткен дүбірлі додаға еліміздің 14 облысы мен Нұр-Сұлтан, Алматы, Шымкент қаларынан келген  500-ге жуық татами шебері бақ сынады.

2020 жылдың 25-28 ақпан аралығында Қарағанды қаласында жеңіл атлетикадан есту қабілеті төмен спортшылар арасында Қазақстан Республикасының чемпионаты өтті.

Индорхоккейден Жамбыл облысы құрама командасы Қазақстан Республикасының чемпионы атанды. Айта кетейік, жастар арасындағы біріншілік 2020 жылдың 20-26 ақпан күндері Талдықорған қаласында өткен болатын. Чемпиондық атақты 9 команда сарапқа салды.

2020 жылдың 18-20 ақпан аралығында Қызылорда қаласында Қазақ күресінен 2000-2002 жылы туған жастар арасында Қажымұқан Мұңайтпасовты еске алуға арналған Республикалық турнир өтті. Аталған жарысқа барлық облыстан және Алматы, Шымкент қалаларынан және көршілес Өзбекстан, Қырғызстан мемлекеттерінен келген 256 спортшы өзара кім мықтыны анықтады.

2020 жылдың 18-23  ақпан күндері Манчестер (Ұлыбритания) қаласында мүмкіндігі шектеулі спортшылар арасында пара пауэрлифтингтен Әлем кубогы өтті. Аталған байрақты бәсекеге әлемнің 25 мемлекетінен 137 спортшы қатысты.  Қазақстан Республикасының  Паралимпиадалық ұлттық құрама командасының сапында өнер көрсеткен Карибай Ерболат (49 кг)  Әлем кубогының күміс жүлдегері атанды.

Ақпан айының 21-і мен 23-і  аралығында Шымкент қаласында 3х3 баскетболдан 18 жасқа дейінгі жасөспірімдер арасында Қазақстан Республикасының Чемпионаты өтті. Жеңімпаздық атақ үшін 14 команда күш сынасты.